Boas
Como moitos de vós sabedes, a ALEM está a traballar apoiándose nos estatutos que foron aprobados pola asemblea cando moitos de nós comezamos a traballar na mesma, pero que por unha mestura de motivos administrativos e económicos estes estatutos aínda non puideron ser rexistrados na Xunta de Galicia nin para constar a todos os efectos como unha agrupación estudantil.
Desde que se aprobaron os vixentes estatutos ata agora pasou bastante tempo e ocorreron moitas cousas polo que aproveitando que para rexistralos habería que incluír algunhas modificacións que esixe a Xunta de Galicia, Jon e máis eu (Alberto) decidimos que podía ser un bo momento para puír os estatutos, para “pólos ao día” e facelos máis funcionais, acordes á realidade da asemblea, pois a experiencia acumulada en todo este tempo fíxonos ver que algunhas cousas eran mellorables.
Logo de varios meses de estudo, debate e redacción conseguimos unha proposta de estatutos que sen se afastar dos anteriores cremos que son mais axeitados á vez que cumpren os requisitos que esixe a Xunta de Galicia para o rexistro, polo que é necesario convocar unha asemblea fundacional en que se aproben.
Así, convócase ASEMBLEA FUNDACIONAL para a próxima terza feira (martes)18 de xaneiro ás 19:30 na Facultade de Medicina (aula por determinar) na que se exporá a proposta de estatutos e se votarán as modificacións que se consideren oportunas.
Para axilizar os trámites e evitar problemas do pasado, OS ASISTENTES DEBERÁN LEVAR 3 FOTOCOPIAS DO SEU DNI, pois unha vez aprobados os estatutos deberán ser asinados polos presentes (sen ningún tipo de compromiso posterior, só é un requisito administrativo).
Así, pregamos a máxima difusión desta asemblea e a máxima asistencia posible (cas fotocopias do DNI), pois é un paso moi importante que debemos dar o antes posible e do xeito mais correcto para evitar problemas posteriores e que esta sexa a última vez que se ten que facer o trámite.
Un saúdo, Alberto e Jon.
No hay comentarios:
Publicar un comentario